Pozdravjam vas, putnici! Otrěste sněg s čizm i sědajte k ognjišću. Dnes my ne prosto listajemo stranice historije — my dоtykamo se magije, ktora jest živa v našej krvi.
Ja izučil drevne svitky i etnografične zapisy, da byh sbral dlja vas jedinu historiju o Tom, Kto Prihodi Prvy.
Oto serija iz 4 postov o Polazniku — najtajinstvenějšej figurě zimskogo cikla.
ꏍꏍꏍꏍꏍꏍꏍ
Post 1/4
Božsky Gost na porogu sudby
Kto jest POLAZNIK? Začto od prvogo klapanja v dveri zavisěla žizn celogo roda…
Jeste li kogda-koli zamirali jutrom 1 janvara, vgadivajuči, kto prvy pozvoni ili napiše? V tom trepetu skryty jest odzvuk najdrevnějšego straha i nadeždy. Srětajte Polaznika (on takože polažar, radovan) — figuru, ktora v slovjanskoj tradiciji byla ne prosto gost, ale živo vtěljenje Sudby.
Dlja naših prědkov Novy rok byl ne prosto datum v kalendaru, ale magičny «prělom» vrěmene. Sčitalo se, že prvy člověk, ktory prěkročil porog vo dni zimskogo solncestojanija (budi to Roždestvo, den sv. Ignata ili Novy rok), programuje budučnost semji na vse 12 měsecev.
Tri lica svetogo gosta:
🕊 Věstnik Inogo Světa. Polaznik sčital se vezivnym člankom medžu světom živyh i světom prědkov. Gošćavali su jego ne prosto kako susěda, ale kako posłannika bogov, udobrovoljivajuči črěz njego otšlyh rodinnyh. V Polěsju sohronil se unikatny relikt: gospodaŕ sam klapal v okno, i na pytanje «Kto tam?» odgovarjal: «Sam Bog klapa», nesuči věst o plodnosti i žatvě.
🗝 Živy Talisman. Osoba gosta iměla strategično značenje. To ne mogla byti slučajnost! Gospodaŕe često dogovarjali se vnaprěd s člověkom, ktory sčital se «sčestlivym», zdravym i «legkym na nogu».
👶 Nevinny Angel. Često rolju Polaznika pověrjali dětjam. Ihna ritualna čistota i bezgrěšnost iměli prinesti v dom mir i zdravje.
ꏍꏍꏍ V narodnom razuměnju jego prihod nese ne lično, ale obće, sudobonosno značenje: on jest prědteča, prědznak vsego, čto čekaje semju. ꏍꏍꏍ
Privykli jesmo mysliti, že sčestje jest slěpo. Ale tradicija Polaznika uči nas inomu: sčestje možno pozvati, srěsti i navet nakrmiti.
A kogo by vy izbrali svojjim «Polaznikom» dnes, da byste zabezpečili sobě idealny rok?
#mitologijaslovjan #slovjanskamitologija