Dlja naših prědkov sen byl «mala smrť», putovanje duše v Iny svět.

Dlja naših prědkov sen byl «mala smrť», putovanje duše v Iny svět.

Dlja naših prědkov sen byl «mala smrť», putovanje duše v Iny svět. A Toy Svět ima svoje zakony — najčestějše to sut zakony «obratnosti».

Eto kako su tolkovali noćne vidženja Slovjani od Poljsky do Urala.

ꏍꏍꏍ 🔄 Svět naobrat: Princip inverzije ꏍꏍꏍ

Glavno pravilo narodnogo sennika: «V snu je vse naobrat». Zagrobny svět je zrkalny našemu, zato to, čto tam vyględaje kako veselje, ovdě se obraćaje v žaľ.

🎭 Směh i Slzy

Ako v snu pojete, tancujete ili smějete se — čekajte bědu.

V Polěsju govoręt: «Спевац’ — плакац’ будзеш».

Veselje v snu tolkuje se kako mučenje duše na onom světě ili prědvěstje gorja na ovom.

👰 Svadba — to su Pogreby

To je najstrašnějši i najtrvalějši simvol. Svadba i pogreb — to sut dva glavne prěhody v žiťju, oni sut strukturno podobni (omyvanje, nove odeždy, gostina, plač). Zato v snu oni zaměnjajut drug druga.

Viděti svadbu («vjaselle», «svadba») — k pogrebu.

Tancovati s ženihom/nevěstoju — k smrťi.

Běly ubor nevěsty — to je savan (smrtny pokrov).

V jednoj iz polěsskyh byliček žena viděla v snu, kako jejna dći se věnčaje, a na javě poslě trěh dnij dći umrla. «Вяселле — то умирушчи» (Svadba — to sut pokojnici).

ꏍꏍꏍ 🏠 Dom kako Grob ꏍꏍꏍ

V mifologiji Dom i Grob sut ravnosilni. Grob v zagadkah često nazyvajut «novym domom bez okan, bez dverij» ili «domovinoju» (ukr./rus. dialekt). Zato vsjake graditeljske raboty v snu — to je prědgotovje k prěhodu v iny svět.

🏗 Gradnja stolětja

* Graditi izbu («hatu stavić») — graditi sebi grob.

* Tesarske raboty, stuk sekiry — pravjenje domoviny.

* Běliti stěny — k pokojniku (běly cvět — to je cvět žalosti i smrťi u slovjanskyh narodov).

🧹 Smetje i Prag

Ako se sni, že metete podlogu i vymětate smetje črěz prag — vy vynosite kogosi iz živyh.

Ako se srušila «matića» (glavna grěda na stropu, «svolok») ili vypalo okno — umre hospodar doma, «stolp» porodice.

Interesno, že prědže pokojnikov često vynosili ne črěz dveri, ale črěz okno ili otvor v stěně, zato prěbivańe novogo okna v snu — to je věrny znak bědy.

ꏍꏍꏍ 🦷 Zubi — to je Rod ꏍꏍꏍ

Toy simvol znajut vsi, i on je čudno stabilny po celomu slovjanskomu světu. Člověk vosprimyl sebe ne kako individa, ale kako čęst Roda. Tělo — to je rodina.

Zato vypadańe zubov («zuby», «zoub») tolkuje se bukvalno kako potrata člena rodiny.

* Vypal zub «s krvju» — smrť krvnogo rodstvennika (otca, materi, dětete).

* Vypal zub «bez krvě» — smrť daľnjego rodstvennika, svata ili susěda.

* Zub počrněl ili boli — k bolězni blizkogo.

* Zub se kolyše — ktosi v rodině «zatresal se» (razbolěl se), ale može byti i mino se.

ꏍꏍꏍ 🌱 Ogrodne strasti ꏍꏍꏍ

Zdalo by se, čto zlogo jest v sbyranju lětiny? No dlja seljaka vyryvanje čegokoli iz zemje bylo simvolom razrva svezka s žiťjem.

* Kopati kartofel ili trgati gliby — k pokojniku (svezok s zemjeju, grobom).

* Rvati len ili konopju — k smrťi (rastliny imajut korene, vyryvanje korene = smrť).

* Zeleny sad, cvětěnje — često k dobru i žiťju, a suhe drěva ili povaljeny lěs — k moru.

ꏍꏍꏍ

P.S. Čto ne vošlo v efir:

Cěkavo, že něktore simvoly sut svezane s životnymi: běly koń v snu často sčital se za věstnika smrťi (angela smrťi), a voly (byki) su se snili k teškoj rabotě ili pogrebu, ibo ravno na volah tradicionalno vozili grob na grobišče. A takož mutna voda («kalna voda») vsudě sni se k bolězni, a čista — k zdravju.

ꏍꏍꏍꏍꏍꏍꏍ

👇 Obraťite vnimanje na logiku: to ne sut prosto zabobony, ale «język metafor». Podsvědomosť prědkov govorila s njimi obrazami jihnogo byta: Dom=Grob, Zub=Rodina, Svadba=Prěhod. To byla surova, ale zrozumliva sistema prědosterežeń, kde «Onoy svět» byl zrkadlom ovog světa.

Kako vy myslite, čy rabotaje toy drevny kod dnes? Da li su vam se kogda-nebud snili take «klasične» sjužety (zubi ili gradnja) prěd važnymi događajami, ili moderni sny govoręt s nami na języku ofisov i gadžetov? 🛌💭

Bolje podrobno o temě čitajte: N.I. Tolstoj «Očerki slavjanskogo jazyčestva».

#slavicmythology #slavicfolklore #folklore #slavictraditions #slavicpaganism #ethnography #tradition

#slovjanskamifologija #narodnepoverja #slovjansketradicije #slovjanskopaganstvo #slovjanskyfolklor #etnografija #tradicija